Félag pípulagningameistara (FP) leggur sitt að mörkum við að tryggja hagsmuni neytenda. Fyrirtæki í pípulögnum sem grunur leikur á að séu að brjóta lög um handiðnað og rekin eru í atvinnuskyni án meistara í forsvari verða kærð til lögreglu. Lög um handiðnað ganga út frá þeirri forsendu að einungis þeir sem eru með meistarabréf mega reka starfsemi á sviði pípulagna í atvinnuskyni. Þannig fara saman hagsmunir neytenda og Félags pípulagningameistara.
Sjá nánar hér.

• Kannaðu hvort viðkomandi sé með réttindi – löggiltur pípulagningameistari. Hægt er að fletta viðkomandi upp á hms.is.
• Kannaðu með viðkomandi hvort hann sé með góð meðmæli.
• Biddu viðkomandi um að senda þér yfirlit frá tryggingafélagi viðkomandi um að hann sé tryggður gagnvart tjóni.
• Gerðu verksamning um framkvæmdina.

Kærunefnd vöru- og þjónustukaupa er stjórnvald sem úrskurðar í ágreiningsmálum milli neytenda og seljenda um flestar gerðir samninga vegna kaupa á vöru eða þjónustu.