Félag pípulagningameistara (FP) leggur sitt að mörkum við að tryggja réttindi félagsmanna samkvæmt lögum um handiðnað. Fyrirtæki í pípulögnum sem rekin eru í atvinnuskyni án meistara í forsvari verða kærð til lögreglu.

Samtök iðnaðarins tóku saman gögn varðandi veltu fyrirtækja í pípulögnum og uppsetningu hitunar- og loftræstikerfa fyrir árið 2020.

Veitur, Samtök iðnaðarins og Skólameistarafélag Íslands hafa tekið höndum saman um útfærslu á því hvernig umbuna megi verktökum í útboðum Veitna fyrir að vera með iðnnema á námssamningi. Um er að ræða tímamót í iðnnámi á Íslandi þar sem þetta er í fyrsta skipti sem verkkaupi mun umbuna fyrir það að verktakar hafi iðnnema í vinnu. Skrifað var undir viljayfirlýsingu þess efnis á Grand Hótel Reykjavík í gær. Lilja Dögg Alfreðsdóttir, mennta- og menningarmálaráðherra var viðstödd undirritunina, sem og nokkrir iðnnemar sem eru á starfssamningi hjá Veitum.