Böðvar Ingi Guðbjartsson, formaður Félags pípulagningameistara, hefur áhyggjur af stöðu iðnmenntunar á Íslandi og segir iðnnema sjálfa fylla út ferilbók um hæfni sína.
Iðnnám Íslendinga
Iðnnám Íslendinga er að öllu jöfnu gott og nánast á pari við Norðurlandaþjóðirnar þegar kemur að inntaki og lengd námsins þar sem iðnnám hér á landi er að jafnaði fjögur ár. Að námi loknu þegar nemi hefur útskrifast úr verkmenntaskóla getur hann sótt um að fara í sveinspróf, sem er í höndum atvinnulífsins. Að loknu sveinsprófi er formlegu iðnnámi lokið og neminn orðin nýsveinn í sinni iðn.
En það eru nokkur varúðarflögg komin á loft hér á Íslandi sem brýnt er að bregðast við.
Jón Bjarni Jónsson, formaður Byggiðnar, gagnrýnir skort á eftirliti í byggingariðnaði og bendir réttilega á hversu mikið er um byggingagalla í nýbyggingum. Það sorglega við þetta allt saman er að neytendur sitja eftir með mikið fjártjón og engin stofnun grípur inn í fyrir þeirra hönd.
